Облыс әкімі Нариман Төреғалиевтің төрағалығымен инвестициялық штабтың кезекті отырысы өтті. Жиында қалдықтарды жою және қайта өңдеумен айналысатын «Эко-Запад» ЖШС-ның жоба-жоспары талқыланды. Аталған компания Орал қаласында жылына 40 мың тоннаға жуық қалдықты кәдеге жарататын өндірістік базаны салу бойынша жұмыстанып жатыр.
Инвестор өзіне тиесілі аумақты қоршап, Қытай Халық Республикасынан қажетті жабдықтар жеткізуге тапсырыс берген. Жалпы құны 200 млн теңге болатын жоба өңірдегі экологиялық жағдайды жақсартуға, қатты тұрмыстық қалдықтарды сұрыптау және қайта өңдеу үлесін арттыруға бағытталған.
Компания директоры Ғалымбек Ташпенов жобаны жүзеге асыру кезінде туындаған түйткілді мәселелерді ортаға салды. Облыс әкімі инвесторларға тиісті қолдау көрсетілетінін айтып, уәкілетті мемлекеттік органдарға нақты тапсырмалар берді.
