Ақтөбеден Орал қаласына барар жолда, Сырым ауданында 25 жастағы шетелдік ұсталды. Белгілі болғандай, ол Алматы қаласының жоғары оқу орындарының бірінің студенті. Бұл туралы БҚО полиция департаментінің баспасөз қызметі хабарлады.
Фото:gov.kz
Сомалиліктің айтуынша, ол елімізде 2019 жылдан бері тұрады. Алматы қаласындағы ЖОО-да бағдарламашы мамандығында оқиды. Осы уақыт ішінде тілді жақсы меңгеріп, салтанатты шараларға қатысып, ақша тауып жүрген.
Оның визасының уақыты біткен, соның негізінде ҚР Көші-қон заңнамасын бұзу фактісі бойынша хаттама жасалды. Материал сотқа жіберілді. Енді шетелдік азамат депортациялануы мүмкін.
