Оралда студент қызды зорлаған такси жүргізушісі мен оның досы бас бостандығынан айырылды. Олар қызды тұншықтырып, қорқытқан, - деп хабарлайды mgorod.kz.
Былтыр тамызда полицияға 26 жастағы қыз хабарласып, зорланғаны туралы арыз жазған. Полицейлер такси жүргізушісі мен оның досын қамауға алды. Кейін студент болған оқиғаның мән-жайын айтып берген.
Ол inDriver қосымшасы арқылы такси шақырған, бірақ жүргізуші жолаушымен бірге келген. Кейін қызды ешкім жоқ жерге апарып, кезек-кезек тиіскен.
26 мамырда Орал қалалық соты үкім шығарды. Нәтижесінде, сотталушылардың кінәсі дәлелденген.
"Қылмыстық баптың санкциясы бойынша 9 жылдан 12 жылға дейін бас бостандығынан айыру жазасы қарастырылған. Айыптау актісінде жазаны жеңілдететін және ауырлататын мән-жай анықталмады. Заң бойынша бірнеше адам алдын ала сөз байласып жасаған зорлық дерегі үшін жаза 8 жылдан аспауы тиіс. Сот әрқайсысына 8 жыл мерзіміне бас бостандығынан айыру түріндегі барынша қатаң жаза тағайындады, - деді Орал қалалық сотының баспасөз қызметі өкілі.
Кінәлілер жазасын орташа қауіпсіз қылмыстық-атқару жүйесі мекемесінде өтейді. Сот үкімі заңды күшіне енген жоқ.
