Келіп түскен өтініш негізінде Батыс Қазақстан облысының Жер ресурстарын басқару департаменті ҚР АШМ ЖРБД Орал қаласындағы ЖШС-нің біріне қатысты жоспардан тыс тексеру жүргізді, деп жазды АШМ-ның баспасөз қызметі.
«Тексеру нәтижесінде көпқабатты үйлерді салу және оларға қызмет көрсету үшін берілген 3,3 га жер учаскесі ұзақ уақыт бойы мақсатына сай пайдаланылмағаны анықталды.
Департамент құқық бұзушылықтарды бір жыл мерзімде жою туралы нұсқама берді. Белгіленген мерзімде талаптар орындалмады. Осыған байланысты жер учаскесін мәжбүрлеп алып қою туралы сотқа талап арыз берілді.
Батыс Қазақстан облысының мамандандырылған ауданаралық экономикалық сотының шешімімен жер учаскесі мемлекет меншігіне қайтарылды.
Азаматтық істер жөніндегі сот алқасының қаулысымен бірінші сатыдағы соттың шешімі өзгеріссіз қалды», делінген хабарламада.
