Жуырда БҚО-дағы көпбейінді облыстық балалар ауруханасында тұңғыш рет бел жарақатын алған пациентке МӘМС аясында тегін ота жасалды. Бұл туралы әлеуметтік медициналық сақтандыру қоры БҚО-дағы филиалының баспасөз қызметі хабарлады.
Құны 3 миллион теңге болатын омыртқалардың транспедикулярлы фиксациясы отасы облыстық көпбейінді аурухана нейрохирургы -Бекежан Трайсовтың жетекшілігімен сәтті өтті.
Күрделі отаға Бекежан Траисовпен қатар нейрохирургтар Айбек Ахатов, Ескелді Жөкенов, Жайдар Сапарғали және анестезиолог-реаниматолог Мирболат Жұмағұлов сынды ақ халаттылар қатысты.
- Қазіргі таңда науқастың жағдайы қалыпты. Отадан кейінгі кезеңге сәйкес келеді, - деді аталмыш отаны жасаған дәрігер Бекежан Траисов.
Еске сала кетейік, әлеуметтік медициналық сақтандыру қоры қаражаты есебінен ота жасалған пациенттердің оңалтудан да өтуге мүмкіндіктері бар.
zhaikpress.kz
