Алматыда қаңтардың 24-26 күндері футзалдан мектеп оқушылары арасында Еуропа чемпионатына іріктеу жарысы өтті.
Бұл туралы Орал қаласы білім бөлімінің баспасөз қызметі хабарлады.
Жарысты республикалық "Мектеп спорт федерациясы" қоғамдық бірлестігі ұйымдастырған.
Оған еліміздің Алматы мен Қарағанды облысынан, Атырау қаласынан және Орал қалалық білім беру бөлімінің Д. А. Қонаев атындағы №44 мектеп-гимназия командасы қатысты.
Тартысты өткен жарыста Сержан Манасов пен Мадияр Идаев жетекшілік ететін оралдық оқушылардан құралған команда Қарқаралы (Қарағанда) командасын 2:7 есебімен, Атырау командасын 2:3 есебімен, Алматы облысы командасын 1:2 есебімен жеңді.
Жарыс қорытындысында жеңімпаз атанып, Босния мен Герцеговина елінде өтетін Еуропа чемпионатына жолдаманы жеңіп алды.
zhaikpress.kz
