Бір айдан астам уақыт бұрын оралдық желаяқ Руслан Әбішев Ресейде өткен «Самарская миля» жарысында топ жарғанын жариялаған едік. Сол ақпаратта Руслан желтоқсан айында Абу-Даби марафонына дайындалып жатқаны туралы айтты.
Бүгін таңда жарыс жолына шыққан оралдық желаяқ тамаша нәтиже көрсетті. 10 шақырым қашықтықта бақ сынаған ол 33 000 желаяқ жарысқан сайыста 5-орын иеленді. Бұл — аталған жарысқа барған қазақстандықтар арасындағы ең үздік нәтиже.
- Ел намысы үшін барымды салдым. Жүлдеге сынық сүйем жетпей қалды. Бірақ 33 мың желаяқ арасында үздік бестікте болғанымның өзі жетістік. Алтынмен тең нәтиже, - деді Руслан Әбішев.
Түгелбай Бисен
«Орал өңірі»
