Бүгінде елімізде отбасындағы зорлық-зомбылық өршіп кеткені жасырын емес. Соңғы уақытта күйеулерінен оңбай таяқ жеп, дағдарыс орталықтарын жағалап жүрген әйелдердің саны күрт артқан. Танымал блогерлер мен қоғамдық ұйымның жетекшілері елімізде тұрмыстық зорлық-зомбылықтың құрбандарына арналған арнайы орталықтарда орын жетіспейтіндігін алға тартады. Бұдан ана мен баланың қорғансыз халін анық байқауға болады. Алайда ресми дерек басқаша. Ішкі істер министрлігінің мәліметінше, жұбайларына жәбір көрсететіндер саны соңғы 10 жылда 5 есеге азайып, отбасылық ұрыс кезінде орын алатын қылмыс саны төмендеген. Өкінішке орай, сала мамандары карантин басталып, көпшілік үйге қамалғалы бері бұл көрсеткіш шырқау шегіне жетті деп дабыл қағуда.
Осы орайда журналист Ләззат Шағатай облыстық «Орал өңірі» газетінің №99 санында «Oтбасылық жанжал жақсылыққа апармайды» атты мақаласында сала мамандарын сөйлетеді. Ендеше, оқып, ой-пікір қосыңыз, қадірлі оқырман!
zhaikpress.kz
