Ресей Қазақстанға ұшуға қойылған шектеулерді алып тастады, - деп хабарлайды Tengrinews.kz тілшісі РИА Новостиге сілтеме жасап.
Росавиация мәліметтері бойынша, 2022 жылғы 9 наурызда Ресей үкіметінің шешіміне сәйкес бұрын енгізілген Covid-19 таралуын болдырмау аясында Әзербайжан, Армения, Қазақстан, Қырғызстан, Тәжікстан, Түрікменстан, Өзбекстан және Иранға тұрақты емес және тұрақты рейстерге шектеулер алынып тасталды.
"Авиакомпаниялар тұрақты және тұрақты емес рейстерді орындау кезінде Ресей Федерациясының Бас мемлекеттік санитарлық дәрігерінің 18.03.2020 жылғы № 7 "COVID-19 таралуын болдырмау үшін оқшаулау режимін қамтамасыз ету туралы" қаулысының ережелерін сақтауы керек", - дейді Росавиация.
