Сәрсенбі күні Румынияның оңтүстік-шығысында IAR 330-Puma әскери тікұшағы апатқа ұшырады. Нақтыланған мәлімет бойынша, апат салдарынан жеті адам қаза тапты. Бұл туралы ҚазАқпарат AGERPRES агенттігіне сілтеме жасап хабарлайды.
Ұшақ бортында экипаждың жеті мүшесінен басқа Румыния әскери-теңіз күштерінің екі құтқарушысы болған.
Тікұшақ патрульдік ұшу кезінде радардан жоғалып кеткен МиГ-21 жойғыш ұшағын іздеу үшін ұшып шыққан.
Апатқа ұшыраған тікұшақтағы жеті әскери қызметкердің қаза тапқанын Румыния армиясы қорғаныс штабының басшысы генерал Даниэль Петреску растады.
Қазіргі уақытта МиГ-21 ұшқышын іздеу жұмыстары жалғасуда.
