Бүгін – Саяси қуғын-сүргін және ашаршылық құрбандарын еске алу күні.
Байларды қуғындау 1928 жылы басталған. Бір жылдың ішінде БҚО-да 130 бай конфескеге ұшыраған.
Фото: Теректі ауданының музейінен
Бұл туралы толығырақ «Dana» орталығының жетекшісі Жантас Сафуллин айтып берді.
– Өңірде саяси қуғын-сүргін құрбандарын ақтау жобасы аясында 4 170 адамды ақтауға ұсыныс жіберілді. Кейбір қылмыстық істер құпия болуына байланысты зерттеу мүмкін болмай отыр. Біз 307 істен құпиялылық статусын алу туралы ұсыныс жібердік. Егер осы аталған қылмыстық істен құпиялылық статусы алынса, тарихшылардың зерттеп, жаңа деректер анықтауына мүмкіндік болар еді, - дейді БҚО бойынша саяси қуғын-сүргін құрбандарын ақтау жобасының жетекшісі Жантас Сафуллин.
