ҚР Су ресурстары және ирригация министрлігінің хабарлауынша, Түркістанда Қазақстан мен Өзбекстан арасындағы су қатынастары бойынша бірлескен жұмыс тобының 14-отырысы өтті.
Фото: gov.kz
Жиынға екі елдің министрлері Нұржан Нұржігітов пен Шавкат Хамраев, сондай-ақ Қазақстанның Өзбекстандағы Төтенше және өкілетті елшісі Ералы Тоғжанов қатысты.
Тараптар трансшекаралық су объектілерін бірлесіп басқару туралы келісімнің ратификациялануын жоғары бағалап, Қазақстан-Өзбекстан бірлескен комиссиясы туралы ереженің жобасын қарады.
Сондай-ақ Сырдария өзені бассейніндегі 10 гидробекетті автоматтандыру мен су саласын цифрландыру жобасын оң бағалап, бұл жүйені кеңейтуге келісті.
Жұмыс тобының кезекті 15-отырысы Өзбекстанда өтеді.
