«Батыс» өңірлік қолбасшылығы қолбасшысының тәрбие және әлеуметтік-құқықтық жұмыстар жөніндегі орынбасары, подполковник Бақыт Алазовпен сыр-сұқбат.
– Бақыт Мағауұлы, әңгімеңізді әскери қызметке келуіңіз бен өткен өмір белестерінен бастасаңыз?
– Бұл мамандықты мектепте оқып жүргенде таңдадым. Бұған кішкентайымыздан отаншылдық рухта тәрбиеленгеніміз әсер еткені анық. Өмірде сан алуан мамандық болғанымен, адамдардың әскерилерге қашанда құрметпен қарайтыны жасырын емес.
Мен Солтүстік Қазақстан облысы, Қызылжар ауданында 1977 жылы 4 сәуірде көп балалы отбасында дүниеге келдім. Әкем Мағау Алазов Социалистік Еңбек Ері атанып, Ленин орденінің екі мәрте иегері, Солтүстік Қазақстан облысының құрметті азаматы болса, анам Райхан Алазова бала тәрбиесімен айналысты. Отбасында сегіз баламыз – бес ұл, үш қыз.
2001 жылы Петропавл қаласындағы Ішкі әскерлердің жоғары әскери училищесін тәмамдағаннан кейін Шымкенттегі ішкі әскерлердің Оңтүстік құрамасына қарасты әскери бөлімде қызмет жолым басталды.
Сұқбаттың толық нұсқасын облыстық "Орал өңірі" газетінің 7 мамырдағы №37 санынан оқи аласыздар.
Ерболат Сұлтанов,
подполковник,
Орал қаласы
