Орал қаласы әкімінің орынбасары Жандос Дүйсенғалиев құзырлы бөлім басшыларымен бірге аталған алаңда кезекті рейд жүргізді.
Бұл туралы Орал қаласы әкімдігінің баспасөз қызметі хабарлады.
Бұдан бұрын қала әкімдігінің қызметкерлері мен полиция басқармасының өкілдері үш күн қатарынан рұқсатсыз сауда-саттық және ойын-сауық қызметін көрсетіп жатқан тұлғаларға ескерту беріп, хабарлама таратқан болатын. Олар қолданыстағы заңнамаға сәйкес қала көшелерінде және қоғамдық орындарда рұқсатсыз сауда жасауға және қызмет көрсетуге тыйым салынатынын, бұл үшін арнайы орын бар екенін түсіндірді.
Алайда кейбір азаматтар бірнеше рет жүргізілген түсіндірме жұмысына қарамастан, заңсыз қызметті тоқтатпаған. Кешегі рейд барысында ескертуді елемеген тұлғалардың мүлкі тәркіленді.
zhaikpress.kz
Фото видеодан кадр
