ТЖМ жаңа жылдық іс-шараларды ұйымдастырушылар мен азаматтарды жаңа жылдық іс-шараларды өткізу кезінде өрт қауіпсіздігі ережелерінің талаптарын сақтауға шақырады.
Жаңа жылдық мерекелерді өткізу кезіндегі басты міндет - қауіпсіздікті қамтамасыз ету.
Бұл әсіресе жаңа жылдық мерекелерді өткізу орындарына (дәмханалар, мейрамханалар, түнгі клубтар, барлар), сондай-ақ адамдар көп жиналатын орындарға (мектептер, балабақшалар, мәдениет үйлері, оқушылар сарайлары, СОО, сауда үйлері, дүкендер, балалардың ойын-сауық орталықтары, базарлар, вокзалдар, әуежайлар және т.б.) қатысты. Оларды ұйымдастыру және өткізу кезінде өрт қауіпсіздігі ережелерінің талаптарын сақтау мәселелеріне ерекше назар аудару қажет.
Мерекені өткізер алдында үй-жайлардың жай-күйін, олардың өрт қауіпсіздігінің барлық ережелеріне қаншалықты сәйкес келетіндігін міндетті түрде тексеру қажет.
Мерекелер өткізуге жауаптыларға өрт және басқа да төтенше жағдайлар туындаған жағдайдағы іс-қимыл тәртібі туралы қосымша нұсқау берілуі тиіс.
Ақпарат ҚР Төтенше жағдайлар
министрлігінің ресми сайтынан алынды
