Алматы қаласында өткен «WRO–2024» Ұлттық робототехника жарысында оралдық зияткерлер бірнеше жүлдені қанжығаға байлады. Бұл жөнінде Орал қаласы Назарбаев Зияткерлік мектебінің баспасөз қызметі хабарлады.
«Future Innovators Senior» секциясы бойынша шәкірттеріміз Махамбет Өтепқали мен Нұрсұлтан Зинуллин II орынға ие болса, «Future Innovators Junior» секциясынан Таир Уашев пен Нұрымхан Беркін де ІІ жүлделі орынды еншіледі.
Балалар «Tazalyq» қоқыс сұрыптау машинасы мен атмосфералық ылғалдан су өндірудің озық технологиясын қолданатын робототехникалық құрылғы «AquaAeris» жобаларын ұсынған болатын.
Сонымен қатар, «Robomission» секциясы бойынша Назар Таир мен Нугманов Арсен IV орынға табан тіреп, үздік рейтингіге ие болғаны үшін алғысхатпен марапатталды.
Оқушылардың тренері – мектептің робототехника үйірмесінің жетекшісі – Армат Мақсотов.
