Ұлттық «Республика күні» мерекесіне орай Орал қаласында баскетбол 3×3-тен қыздар арасындағы Батыс Қазақстан облысының күзгі чемпионаты өтті. Өңірдің үздік баскетболшыларын анықтап, елішілік жарыстарға баратын мықты ойыншыларды іріктеуге арналған жарысқа облыс орталығы мен аудандардан келген 45 команда қатысты.
U-12, U-14, U-16 және U-18 жас аралығындағы бұрымды баскетболшылар бәсекесі тартысқа толы болды. Өңір үздігі атануға тырысқан қыздар жан алысып, жан берісті.
Қорытындысында 12 жасқа дейінгі балғын баскетболшылар жарысының жеңімпазы атағы «ВQO.ARLANS» баскетбол клубының қыздарына бұйырса, 14 жастағы спорт сынын Бәйтерек ауданының жас баскетболышлары жеңіп алды.
«BQO.ARLANS» клубының қызлары 16 және 18 жастағы спортшылар сынында да жеңімпаз атанды.
Түгелбай Бисен,
zhaikpress.kz
