Парламент палаталарының бірлескен отырысында Айдарбек Қожаназаров шешімін таппаған өзекті мәселелерді атады, деп жазады Baq.kz.
Оның айтуынша, мынадай проблемалар өзекті болып отыр.
- халықтың ақшалай табысының 59,8%-ға дейіні азық-түлік тауарларына жұмсалады;
- халықтың төлем қабілеттілігі төмендеп, соның салдарынан жеке тұлғаларға берілген несиелер несиелеудің жалпы көлемінің 62%-ына жетті;
- тұрғын үй сатып алу бойынша халықтың жинақтау қабілеті бастапқы тұрғын үй үшін кемінде 15 жыл.
Мәжілістің осыған дейінгі жалпы отырысында біз экономиканы несиелендіруді кеңейту, азық-түлік қауіпсіздігін қамтамасыз ету, бизнес ортаны жақсартуға қатысты бірқатар ұсыныс айтқан едік. Жылдан жылға бюджетті атқаруда да осындай проблемаларды байқаймыз. Жоғарғы есеп палатасы бюджеттік бағдарламаларды іске асыру нәтижелерінің қолжетімділігін бағалаумен бюджетті жоспарлау кезеңінде Үкіметтің жұмысын белсенді талдау арқылы алдын алу шараларын күшейтуі қажет, - деп айтты Қожаназаров отырыста.
Respublika фракциясы әлемдегі күрт геосаяси өзгерістер жағдайында Үкіметтің индикативтік жоспарларын толығымен қайта қарау қажет деп есептейді. Депутаттың айтуынша, қазіргі жағдайда Үкімет барлық күш-жігерді басым секторлардағы инфрақұрылымдық жобаларды іске асыруға шоғырландыруы қажет.
Сурет: zharar.com
