Жәңгір хан атындағы Батыс Қазақстан аграрлық-техникалық университетінің білім алушылары Досжан Өтепқалиев пен Зейнеп Баянова халықаралық деңгейдегі турнирде Қазақ елінің мерейін асқақтатты.
Алдымен университетіміздің «Индустриалды-технологиялық институтының» 3-курс студенті Досжан Өтепқалиев – Хорватия елінде өткен Адриатикалық трофей халықаралық турнирінде грек-рим күресінен 1-орын иеленгені туралы ақжолтай хабар жетті. Бір күннен соң «Экономика, ақпараттық технологиялар және кәсіби білім беру» институтының 2-курс білім алушысы Зейнеп Баянованың Түркияның Анталия қаласында өтіп жатқан әйелдер күресінен жастар арасындағы «Victory Cup & Champions» 24-ші халықаралық турнирінде 1-орынды жеңіп алғаны жайлы «сүйінші» хабарды естідік.
Түрлі спорттық жарыстарда жеңіс жалауын желбіреткен Досжан мен Зейнеп – ҚР спорт шеберлері.
БҚАТУ медиа орталығы
