Республикалық «Мектепке жол» акциясы жалғасып жатыр.
Біраз жылдан бері талай бүлдіршінді мектепке дайындап, талай оқушыны қуантқан акцияға қолында барын балаға беруге дайын атымтай жомарт азаматтар атсалысып келеді.
«Ақжайық» футбол клубының басты серіктесі «TN Pharm» дәріханалар желісінің директоры Т. Наурузов та аталмыш игі істен шет қалмады.
Жуырда ол «TN Pharm» дәріханалар желісінің атынан футбол орталығының балаларына оқушы портфельдерін тарту етті.
Кәсіп бастағанына көп болмаса да, қайырымдылық шарасынан тыс қалмаған жас кәсіпкерлердің бұл ісі – көпке үлгі.
- Футбол клубы тек спортшыларды дайындаумен айналыспайды. Түрлі әлеуметтік жобаларды да іске асыруға әзір. Жас футболшыларға қолдау білдірген басты серіктесімізге клуб басшылығы атынан алғыс білдіреміз, - дейді «Ақжайық» футбол клубының директоры Манарбек Ержанов.
Түгелбай Бисен,
zhaikpress.kz
