Биылғы оқу жылында «Сәулет» мектеп-лицейін 22 түлек тәмамдап, барлығы ұлттық бірыңғай тестілеуге қатысуға өтініш берді.
Оның ішінде үш оқушы «Алтын белгі» иегері атанса, төртеуі «Үздік аттестатқа» ие болды. Тамыз айының 5-інде жарияланған мемлекеттік грант иегерлінің тізімі бойынша «Сәулет» мектеп-лицейінің барлық түлегі мемлекеттік грант иеленді.
Атап айтқанда, 11 талапкер педагогика саласы, үш талапкер медицина бағытында, алты түлек техникалық мамандықтарға, екі үміткер қаржы саласындағы маман иесі болуды таңдаған. – Әр жыл сайын «Сәулет» мектеп-лицейінің түлектері ҰБТ-да жақсы нәтиже көрсетіп, мемлекеттік грант иегері атанып келеді. Өткен жылғы нәтиже ойдағыдай болды. Биылғы оқу жылында түлектеріміз 100 пайыз нәтиже көрсетіп, абыройымызды асқақтатты. «Алтын белгі» және «Үздік аттестат» иегерлері таңдаған мамандығына оқуға түсіп, бір түлегіміз Түркия еліндегі Намик Кемал университетінің хирургия мамандығы грантын жеңіп алды.
- Бұл – біз, ұстаздар қауымы үшін еңбегіміздің ақталғаны, зор жетістік, ерекше қуаныш, – дейді «Сәулет» мектеплицейінің директоры Аққаным Талапқызы.
Республиканың «100 үздік мектебі» қатарына енген «Сәулет» мектеп-лицейінде оқушыларға барлық мүмкіндік қарастырылғандықтан. Білім сапасы өз деңгейінде екенін биылғы грант иегерлері дәлелдеп бергендей.
Тасқала аудандық
білім бөлімінің баспасөз қызметі
