Бүгін Жәнібек ауданындағы 10 орта және 2 негізгі мектебінің 9-сынып оқушылары қорытынды емтихандарын ойдағыдай аяқтап, 2021-2022 оқу жылы бойынша 226 оқушыға салтанатты түрде аттестат табысталды.
9 жыл бойы алған білімнің белгісі аттестат алу кезеңінде мектеп директорлары құттықтау сөз сөйлеп, куәліктерін табыстады. Т.Жароков атындағы орта мектебінде – 74, Е.Ниетқалиев атындағы орта мектебінде – 14, Х.Халиуллин атындағы орта мектебінде – 11, Ғ.Қараш атындағы орта мектебінде – 9, Ғ.Абдуллин атындағы орта мектебінде – 10, Ғ.Сарыбаев атындағы орта мектебінде – 12, №1 мектеп-лицейінде – 33, М.Ықсанов атындағы орта мектебінде – 15, Ө.Сахипов атындағы орта мектебінде – 11, Ұзынкөл орта мектебінде – 9, А.Оразбаева атындағы негізгі мектебінде – 24 және Тегісшіл негізгі мектебінде – 4 оқушы негізгі мектепті аяқтады. Айта кету керек, 226 оқушының 15-і «Үздік аттестатқа» ие болды.
Аттестат табыс ету рәсімі үлкен қуаныш пен қобалжуға толы өтті. Бұл күн – мектептер тарихында, 9-сыныпты бітіруші түлектер есінде мәңгі өшпейтін күн.
Гүлзара Мәди,
Жәнібек ауданы
zhaikpress.kz
