Облысымызда Бәйтерек картоп пен көкөніс-бақша дақылдарын өндіретін ең ірі аудан екені белгілі.
Бүгінгі таңда ауданда 87 ауыл шаруашылығы құрылымдары картоп, көкөніс және бақша дақылдарын өсірумен айналысады. Биыл көкөніс-бақша дақылдары мен картоптың көлемі 3580 га құрайды: оның ішінде картоп – 1680, көкөніс - 1610 га, қауын – 290 га.
Бәйтеректе 18 шаруа қожалығы картоп өсірумен айналысады. Макаров ауылдық округіндегі "Август", "Гепард Агро", Мичурин ауылдық округіндегі "Плотников" шаруашықтары, "Рубежинское" сияқты ірі картоп өсірушілер батысқазақстандықтарды қамтамасыз етіп қана қоймай, өнімдерін біздің облыстан тыс жерлерде де сатуда.
Жыл сайын ауданның көкөніс өсірушілері ауыл шаруашылығы жәрмеңкелеріне қатыса отырып, халықты делдалсыз нарықтық бағадан төмен өнімдермен қамтамасыз етеді. Сонымен қатар олар жыл сайын өткізілетін елордада ұйымдастырылатын ауыл шаруашылығы жәрмеңкесіне де қатысып жүр.
Бәйтеректік диқандар биыл да жақсы өнім алып, ел игілігін молайтуға айтарлықтай үлестерін қосарларына сенімді.
Қуаныш Қали,
Бәйтерек ауданы
zhaikpress.kz
