Бөрлі ауданының орталығы Ақсай қаласындағы 4 шағынауданда былтыр жылу жүйесін ауыстыру жұмыстары жүргізілген еді. Қазылған топырақ салдарынан күз бен көктемде бұл маңнан тұрғындар жүре алмайтын. Қала әкімдігінің есебінен екі ай бұрын гүлзар салынып, бүгін салтанатты түрде ашылды.
Ұзындығы 450 метр гүлзарда брусчатка төселіп, орындықтар мен жарық бағандары орнатылған. Жұмсалған қаражат 38 млн. 203 мың теңге. Жаңа гүлзар маңында "Конденсат" компаниясының демеушілігімен STREET WorkOut қойылды.
Тұңғыш Президент күні қарсаңында "Монтажарнаулықұрылыс" серіктестігі балалар ойын алаңын салып берді. Алаңда алдымен балалардың қауіпсіз ойнауы үшін жағдай жасалған. Қоршалып, жұмсақ жабын төселген. Ойын алаңын салуға демеушілік жасаған серіктестік «Рухани жаңғыру» бағдарламасына қолдау білдірді. Жоба құны -15 млн. теңге.
Қалалық әкімдіктің қаржысымен шаһарда 800 шаршы метр болатын 8 көп салалық спорттық және 20 ойын алаңы салынды. Соның бірі бүгін шаһардың солтүстік бөлігіндегі Алексеева көшесінде салтанатты түрде ашылды. Алаңда бүлдіршіндер үшін ойын алаңы қарастырылса, ересек балалар әртүрлі жаттығулар жасап, футбол ойнай алады.
Айым Нұрғалиева
Бөрлі ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
