Жаңа жыл мерекесінде Теректі ауданы әкімінің орынбасары Ержан Досмақов пен Шағатай ауылдық округі әкімі Рүстем Мутиев аталмыш ауылдың тумасы Кәрім Сухановқа арнайы барып, хал-жағдайын сұрасты. Сонымен қатар аудан әкімінің құттықтауын жеткізіп, «Теректі ауданының Құрметті азаматы» атағы мен төсбелгісін табыс етті.
Айта кетейік, Кәрім Суханұлы бұрын «Чапаев асыл тұқымды мал зауыты», 2-бөлімшесі, далалық бригадасының бригадирі болып ұзақ жылдар бойы қызмет атқарған. Еңбек Қызыл Ту орденінің иегері. Оған қоса басқа да орден, медальдармен марапатталған.
Кәрім атамыз Шағатай ауылында ауылшаруашылық саласында 42 жылдай жылы орнын суытпай абыроймен жұмыс істеді. Осы жерден зейнетке шықты.
Бүгінгі таңда жұбайы екеуі ұрпақтарымен бірге Орал қаласында тұрады.
Айшабибі Мәмет,
Теректі ауданы
