Бүгін Ақжайық ауданының орталығы Чапаев ауылындағы мешітке жиналған жамағат Желтоқсан құрбандарын еске алып, рухтарына дұға бағыштады.
Көпшіліктің алдында 1986 жылдың ызғарлы Желтоқсанының ел тәуелсіздігін алудағы маңызды рөлі жөнінде аудандық ардагерлер кеңесінің төрағасы Максим Үмбеталиев баяндап, сол кездегі жастардың ерлігін дәріптеу бүгінгі ұрпақтың парызы екенін қаперледі.
Желтоқсаншылар атынан сөз алған Мәлік Мұхтар жастардың жанкештілігін, бодандықтың құрсауынан шығуды аңсаған қыз-жігіттердің өр рухы туралы біраз естелік ақтарды.
Ауданның бас имамы Тұрсынғали Құжап өмірден өткен желтоқсаншылардың рухына арнап дұға бағыштады.
Осыдан кейін мешітте ас берілді.
Әсет Бисенғалиев
Ақжайық ауданы
