Бөрлі ауданының Қызылтал ауылына қарасты «Құрылыс-4» көшесінде орналасқан спорт ойын алаңында жазғы мезгілде балалардың демалысын тиімді ұйымдастыру мақсатында спорттық сайыстары өткізілді.
Жарысқа 36 жасөспірім ұл мен қыздардан құралған төрт команда қатысты. Жарыс бағдарламасы жүгіру эстафетасы, үш аяқпен жүгіру, секіртпе эстафетасы, допты түсіріп алмау, футбол эстафетасы және қапшықпен секіруден тұрды. Балалар бой сергітіп, спорттық жарыстарға керемет қатысты. Әр қатысушы өз командасының жеңіс тұғырынан көрінуіне атсалысып, әр кезеңде барлық күш-жігерін жинап үздік болуға ұмтылды. Бірінші орынды «Ақжайық» командасы жеңіп алды. Ал екінші орынға «Батыс қамқор» командасы лайықты болды. Сәл қателікке бой алдырған «Астана» командасы үшінші орынға тұрақтады.
Жеңімпаздар мен жүлдегерлер Бөрлі аудандық дене шынықтыру және спорт бөлімінің «Ақсай» мәдени-бұқаралық, ұлттық ат спорт кешенінің тиісті дәрежелі дипломдарымен және медальдарымен марапатталды.
Қайсар Исламбек,
Бөрлі ауданы
