«Ақжайық» спорт кешенінде «Ақиқат» қоғамдық бірлестігі, аудандық мешіт, «Жігер» спорт клубы және аудандық балалар-жасөспірімдер спорт мектебі ұлттық спорт түрлерінен «Шын мәнінде мүміндер бауыр» атты аудандық ашық турнир ұйымдастырды.
Оған Ақжайық, Сырым, Теректі, Бәйтерек, Жаңақала, Тасқала аудандарынан, Ақжол, Алғабас, Қараултөбе, Ақсуат ауылдық округтерінен командалар қатысты.
Спорттық шараның ашылу салтанатында аудандық мешіттің бас имамы Тұрсынғали Құжап, «Ақиқат» қоғамдық бірлестігінің төрағасы Тоқтар Пендебаев сөз сөйлеп, спортшыларға сәттілік тіледі.
Тартысты өткен бәсекенің қорытындысы келесідей болды: асық атудан Қолғанат Серіков (Жаңақала), дәстүрлі садақ атудан Ерлан Хамзин (Ақжайық), қазақ күресінен 74 келі салмақ дәрежесінде Нұрдәулет Уахит, қол күресінен 74 келі салмақ дәрежесінде Мұратбек Аманов, қол күресінен +74 келі салмақ дәрежесінде Оразай Қайырсапин (Қарауылтөбе), қазақ күресінен +74 келі салмақ дәрежесінде Мерей Бердіғали (Сырым), арқан тартыстан Жаңақала ауданы, тоғызқұмалақтан Райымбек Мағзом (Теректі) І орыннан көрінсе, жалпыкомандалық есеп бойынша Жаңақала ауданы жеңіске жетті.
Жарысқа қатысушылар бағалы сыйлықтар және «Жігер» спорт клубының атынан медаль, дипломдар табысталды.
Азамат Қанапия
Ақжайық ауданы
