Жуырда алғабастық Нұрболат Жұмағазиев әлеуметтік желі беттерінде “Президент сайлауы” үміткерлерінің сайлауалды бағдарламаларын шығара бастады.
Бірер күн бұрын Сырым ауданы Алғабас ауылдық округі әкімінің сайлауы өтсе, артынша М.Қаналиев атындағы мектеп-бөбекжай-балабақша кешенінде мектепішілік бірыңғай “Жас ұлан” балалар мен жасөспірімдер ұйымының ұланбасын сайлауы өтті.
Ұланбасына үміткерлікке Гүлсана Хисмет, Айдын Тыныштыбай, Алина Төлеуішова секілді мектептің бетке ұстар оқушылары түсті.
Бір ерекшелігі, аталмыш оқушылардың сайлауы әкім сайлауынан кем түспеді. Оқушыларға арнайы бюллетень беріліп, кабинаға кіріп, өз таңдауларын жасады.
Көпшіліктің басым дауысымен Алина Төлеуішова жеңіске жетіп, “Жас ұлан” ұйымының мектепішілік ұланбасы атанып, арнайы куәлік табысталды.
Айжан Амангелдина,
Сырым ауданы
zhaikpress.kz
