Бүгін Мәншүк Самиева жетекшілік ететін Тасқала аудандық балалар музыка мектебінің оркестрі қуанышты жаңалықтың жаршысы болды.
Олар Алматы қаласында өткен халықаралық "Рауан" фестиваліне қатысып, тек ауданымыздың ғана емес, облыс намысын қорғап, 17 оркестрдің ішінен бас жүлдені жеңіп алды. Сонымен қатар Елдос Амағалиевтің шәкірті, домбыра класының оқушысы Рахман Қойшекен де өзінің өнерімен көпшіліктің көңілінен шығып, бас жүлдеге ие болды. Алыстан жеткен ақжолтай хабарды естіп, жерлестеріміздің жетістіктеріне қуанып қалдық. Жеңіс құтты болсын! Алар асуларыңыз таусылмасын!
Назгүл Серікқызы,
Тасқала ауданы
zhaikpress.kz
