Жәнібек ауданы әкімдігінде актив жиналысы өтті. Аудан әкімі Тимур Шиниязов жиынға жиналғандарды мерекемен құттықтап, аудандық балалар-жасөспірімдер спорт мектебінің директоры Орынбасар Ғилымовты басқа қызметке ауысуына байланысты өзінің және аудан жұрты атынан алғыс білдіріп, алғысхат табыстап, иығына шапан жапты.
Аудандық мәслихат төрағасы Тахир Қадимов Орынбасар Ғилымұлының жетістіктеріне тоқталды.
Соның ішінде аудандағы ұлттық ат спортының дамуына қосқан үлесін ерекше атап өтті.
Сол сияқты ауданның бас имамы Есенболат қажы, «Мансап» орталығының директоры Миранбек Ибатов, білім беру бөлімінің басшысы Асхат Молдағалиев, «Жәнібек» спорт клубының директоры Сырым Байсов, аудандық ішкі саясат бөлімінің басшысы Ләззат Садирова, атбегі, таулық Арман Малаев та сөз алып, жаңа қызметіне сәттілік тіледі.
Аудандық мәдениет, тілдерді дамыту, дене шынықтыру және спорт бөлімі басшысының міндетін уақытша атқарушы Нұрболат Садырбаев тілек білдіріп, естелік сыйлық табыстады.
Асқар Құсайынов,
Жәнібек ауданы
zhaikpress.kz
