Бүгін аудандық білім беру бөлімінде аудан әкімі Төлеген Төреғалиевтің қатысуымен Тәуелсіздіктің 30 жылдығы қарсаңында Сырым ауданының білім саласында ұзақ жылдар еңбек еткен, зейнеткерлікке шыққалы отырған ардагер ұстаздармен кездесу өтті.
Шарада аудан әкімі ұстаздар қауымын ұлық мерекемен құттықтап, аудандағы білім сапасының алтын іргетасын қалаған білім беру ісінің үздіктерімен еркін форматта әңгімелесті.
Аудан әкімі Төлеген Серікқалиұлы облыстық білім басқармасының, аудан әкімдігінің алғыс хатымен Марат Қадыровты, Гүлбақша Ерғалиеваны, Ағиба Төлегеновны, Батырғали Жәңгірхановты, Үміт Жакиеваны, Гүлнар Құсайынованы марапаттап, жылы лебізін білдірді.
Одан бөлек, "Балдырған" балабақшасының меңгерушісі Ғалия Балпысованы зейнеткерлікке шығуымен құттықтап, құрмет көрсетсе, аудандық білім беру бөлімінің басшысы Берік Жанболсынов құрметті қонақтарға ұжым атынан алғысын білдірді. Тағылымы мол кеште ұстаздар естеліктерімен бөлісіп, соңында естелік суретке түсті.
Айжан Бауыржанқызы,
Сырым ауданы,
zhaikpress.kz
