Бүгін Казталов ауданы орталығында «Айбын» спорт клубының және аудандық жастармен жұмыс жөніндегі ресурстық орталығының ұйымдастыруымен, қайырымдылық айына орай «Ардагерлерді ардақтайық» атты спорттық жарыс өтті.
Доданың ашылу салтанатына аудан әкімінің орынбасары Зәйлім Мәжитова, аудандық ардагерлер кеңесінің төрағасы Жүсіп Шакуов қатысып, қарияларға жылы лебізін білдірді.
Ауданымыздың Казталов, Қарасу, Қараөзен, Болашақ, Ақпәтер, Тереңкөл, Талдықұдық, Бостандық ауылдық округтерінен келген қариялар шахмат, тоғызқұмалақ, үстел теннисі спорт түрлерінен сынға түсті.
Спорттық дода қорытындысы бойынша тоғызқұмалақтан казталовтық Айтжан Жұмағазиев жүлделі І орынға ие болды. Ал үстел теннисінен болашақтық ақпәтерлік Ернияз Құспанов, шахматтан казталовтық Қайырбай Алтаев жеңмпаз атанды. Спорттық жарысқа белсене қатысқан Молдаш Ситековке естелік сыйлық табысталды.
Жүлдегерлерді марапаттау рәсіміне «Айбын» спорт клубының директоры Нұркен Ахметов, аудандық жастармен жұмыс жөніндегі ресурстық орталығының директоры Мұқағали Шоқпанов қатысып, спортшыларды марапаттады. Жарысқа қатысушылар арнайы дипломдар және бағалы сыйлықтармен марапатталды.
Асылбек Нәсіпқалиұлы,
Казталов ауданы
zhaikpress.kz
