Президентіміз 2025 жылдың алғашқы күндерінде-ақ өзінің «Ana tili» газетіне берген жеке сұхбатында 2024 жылдың айтулы оқиғаларына тоқталып, келіп жеткен 2025 жылдағы ауқымды атқарылатын жұмыстарға тоқталды.
Мемлекет басшысы өз сұхбатында өткен жылдағы «Таза Қазақстан» бағдарламасына, «Қоғам және заң» жобасына, ел экономикасы туралы, соның ішінде АҚШ долларының қымбаттауы, жастардың шетелдерге білім, жұмыс бойынша кетуі, тағыда сол сияқты маңызды мәселелерге тоқталып, ашық түрде өз ойын білдірді. Бұл сұхбат елдің болашағына деген сенімді күшейтті. Келіп жеткен жылдан үмітіміз көп, еліміз көркейіп, халықтың тұрмыс тіршілігі арта түседі деген ойдамын. Ең бастысы, бірлігімізге сызат түспей, Президентіміздің әділетті Қазақстан құру жолындағы шараларын қолдап, болашағымыз үшін еңбек етуіміз қажет.
Амангелді Уәлиев,
«Ардагерлер ұйымы» РҚБ Жәнібек аудандық
филиалының төрағасы
