«Болашаққа бағдар: рухани жаңғыру» мақаласы қазақ қоғамын дүр сілкіндіргені рас. Өшкенімізді жаңғыртып, тарихымыз бен салт-дәстүрімізге деген көзқарасымызды өзгертуге сеп болған мақалада көрсетілген міндеттерді орындау – заман талабы.
Жуырда аталған мақала аясында Бәйтерек аудандық балалар мен жасөспірімдер спорт мектебі асық атудан аудан чемпионатын ұйымдастырды. Ұлттық спортты дәріптеп, асық ойынына деген қызығушылықты арттыру мақсатында өткен сайысқа 2009-2011 және 2012-2014 жылдар аралығында туған жеткіншектер мен қыздар қатысты.
Қызықты жарыс қорытындысында жалпыкомандалық үшінші орын Талғат Бегилдинов атындағы мектеп командасына, екінші орын Егіндібұлақ мектебінің командасына бұйырса, бірінші орынды Жамбыл негізгі мектебінің намысын қорғаған қыз-жігіттер жеңіп алды.
Түгелбай Бисен,
Бәйтерек ауданы
zhaikpress.kz
