Бәйтерек ауданында эпидемиологиялық ахуалды қадағалау мен карантин ережелерін сақтау нәтижесінде ауру жұқтырғандар саны азайып келеді. Бұл алдыңғы айлардағы көрсеткішпен салыстыру нәтижесінде анықталған. Covid-19 дертін жұқтырғандар тұрақты ем алып, жаңадан ауырғандар саны кеми түскен, сондай-ақ вирусқа қарсы екпенің де оң әсері байқалуда екен.
Бұл жайында аудандық санитарлық-эпидемиологиялық кадағалау басқармасының басшысы Аят Умбеталиев баяндап өтті. Оның айтуынша, соңғы статистикамен салыстырғанда ауданда 390 азаматтан індет белгілері байқалған. Олардың 280-ні симптомды, 110-ы симптомсыз науқастанғандар көрінеді.
-Қазіргі таңда 56 науқас ауруханада ем алып жатса, ал қалған 334-і үй карантиніне жабылған. Дегенмен де, жағдайдың тұрақталуына қарамастан вирустың қайта өршіп, басқа да аймақтарға таралуын алдын алу мақсатында сақтық ережелерін қатаң сақтаған абзал,- дейді аудандық санитарлық-эпидемиологиялық кадағалау басқармасының басшысы Аят Умбеталиев.
Аружан Аманжол,
Бәйтерек ауданы
zhaikpress.kz
