Бүгін Жәнібек аудандық мәдениет үйінде Жәнібек ауылы тұрғындарының жиыны өтіп, оған аудан әкімінің міндетін уақытша атқарушы Жақсылық Абдолов қатысты.
Жиында ауыл тұрғындарының жеке мал бағымын ұйымдастыру және табындарды асыл тұқымды бұқалармен қамту, сәуір-мамыр айларын санитарлық-экологиялық айлық деп жариялап сенбіліктер ұйымдастыру, тал-теректер егу сынды мәселелер қаралды.
Аталған мәселелерге қатысты Жәнібек ауылдық округінің әкімі Абзал Қаратаев хабарлама жасады. Жиында бақташылар мен ауыл тұрғындары күн тәртібіндегі мәселелерге қатысты өздерінің ұсыныс-пікірлерін ортаға салды.
Аудан әкімінің міндетін уақытша атқарушы Жақсылық Каримоллаұлы сөз сөйлеп, тұрғындардың сауалдарына жауап берді.
Сейіт Қали,
Жәнібек ауданы
zhaikpress.kz
