Ақжаулықты әжелер алқасының мүшелері сайлауға бір кісідей қатысып, өз таңдауларын жасады. Ұрпақ тәрбиесі мен ұлттық құндылықтарды дәріптеп жүрген ардақты әжелер дауыс беру арқылы азаматтық жауапкершіліктің жарқын үлгісін көрсетті.
Әжелер алқасының өкілдері елдің болашағына қатысты маңызды шешімдерге әрбір азаматтың үн қосуы маңызды екенін атап өтті. Олар халықты бірлік пен татулықты сақтауға, қоғамдық маңызы бар науқандарға белсенді қатысуға үндеп, референдумның жоғары деңгейде ұйымдастырылғанына оң бағаларын білдірді.
Бақтыгүл Жұмагелдіқызы,
Тасқала ауданы
