«Қазақстан Республикасының мемлекеттік қызметі туралы» заңына сәйкес, ішкі конкурстың нәтижесі бойынша Бәйтерек аудандық білім беру бөлімінің басшысы болып Айнагүл Баянова бекітілді.
Облыстық білім басқармасы басшысының бұйрығымен аталмыш лауазымға тағайындалған Айнагуль Зайреденқызы 1973 жылы Ақжайық ауданының Бударин ауылында дүниеге келген. М.Өтемісов атындағы БҚМУ-ды «Бастауыш оқыту педагогикасы мен әдістемесі» мамандығы бойынша тәмамдаған. Еңбек жолын 2000 жылы Зеленов ауданы, Владимир ауылындағы бастауыш мектептің меңгерушісі қызметінен бастаған. Одан соң ауданымыздағы Көшім орта мектебі жанындағы шағын балабақша тәрбиешісі, Көшім ауылдық округ әкімі аппаратының жетекші, бас маманы, Көшім ауылдық округінің әкімі қызметтерін атқарған. Бүгінгі күнге дейін ауданы әкімі аппараты ұйымдастыру және бақылау жұмысы бөлімінің бас маманы болып еңбек етті.
Аудан әкімінің орынбасары Ерлан Ғалиев жаңа басшыны ұжымға таныстырып, қызметіне сәттілік тіледі.
Қуаныш Қали,
Бәйтерек ауданы
