Өңір "қызыл" аймаққа енгені белгілі. Қазіргі таңда Бәйтерек ауданындағы эпидемиологиялық ахуал ушыға түсті. Соңғы аптада вирус жұқтырғандардың саны күрт өсіп, алдыңғы статистикаға қарағанда көрсеткіш нашарлаған.
-Соңғы тәулікте ауданда 31 адам вирус жұқтырды. Қазіргі таңда індет жұқтырғандадың жалпы саны 354 адамға жетіп отыр. Олардың 304-і симптомды болса, 50 адам симптомсыз. 31 науқас ауруханада ем алуда. 232-і үй карантиніне оқшауланған. Бұл көрсеткіштен вирустың жұғу деңгейінің өсімі байқалып отыр. Осының салдарынан ауданның «қызыл» аймаққа ену қаупі бар,- деді аудандық санитарлық-эпидемиологиялық қадағалау басқармасының басшысы Аят Үмбеталиев.
Ауданның бас санитарының айтуынша, вирус жұқтырғандардың күрт өсуіне тұрғындардың бейқамдығы себеп болып отыр екен. Сол себептен маска режімін бұзбаған абзал. Сондай-ақ екпе алуды да ұмытпау қажет.
Аружан Аманжол,
Бәйтерек ауданы
zhaikpress.kz
Суреттің дереккөзі: 24.kz
