Бәйтерек ауданында эпидемиологиялық ахуал жыл басымен салыстырғандағыдай емес, тұрақталып келеді. Аймақтағы коронавирустың таралу көрсеткіші "қызыл" аймақтан «сары» аймаққа ауысқан. Аудандық санитарлық-эпидемиологиялық кадағалау басқармасының берген COVID-19-ға қатысты жаңартылған мәліметіне сүйенсек, ауданда барлығы 140 ауру жұқтырған науқас бар екен.
- Ауырып жатырған 140 науқастың 105-і симптомды, 35-і симптомсыз. Үй карантинінде жатқандар саны – 91, ауруханада жатқандар саны – 49. Оның ішінде аудандақ ауруханада – 14 адам, облыстық инфекциялық ауруханада – 29 адам, облыстық көпбейінді ауруханада – 1 адам, модульдік инфекциялық ауруханасында – 5 адам ем алуда. Жыл басынан бері жазылып шыққандар саны 284 адам, - дейді Бәйтерек аудандық санитарлық-эпидемиологиялық кадағалау басқармасының басшысы Аят Умбеталиев.
Аружан Аманжол,
Бәйтерек ауданы
zhaikpress.kz
