Бәйтерек ауданында Социалистік Еңбек Ері Тимофей Кириллұлы Овчаренконы еске алуға арналған волейболдан оқушы қыз балалар арасында аудан біріншілігі мәреге жетті.
Адандық дене шынықтыру-сауықтыру кешені базасында өткен доп додасының ашылу салтанатында Бәйтерек ауданы әкімінің орынбасары Көпжан Тұрлыбеков сөз сөйлеп, еңбек ардагері Тимофей Офчаренконың өнегелі еңбек жолына тереңнен тоқталып, біріншілікке қатысушыларға сәттілік тіледі.
Сондай-ақ еңбек ардагері Анатолий Сигунов пен Тимофей Еңбек Ерінің немересі Анатолий Николайұлы шара ұйымдастырушылары мен демеушілеріне алғыс білдіріп, игі тілектерін арнады.
Айта кету керек, мереке аясында өткен доп додасына қатысушы қыз балалар үлкен әзірлікпен келгендіктерін көрсетті.
Өнегелі еңбек үлгісі бола білген ардақты жанды еске алу құрметіне арналған тартысты ойында Камен мектебінің (Переметный ауылдық округі) командасы ІІІ орын, Дариян жалпы орта білім беретін мектебінің (Дариян ауылдық округі) командасы ІІ орын, Батурин мектебінің (Янайкин ауылдық округі) командасы жүлделі І орынды иеленді.
Спорттық шарада жүлдегерлерге арнайы кубоктарға қоса, дипломдар мен бағалы сыйлықтар салтанатты түрде табысталды.
Ертай Бимұханов
Бәйтерек ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
