Бүгін Қаратөбе ауданы әкімі Қадыржан Сүйеуғалиев Қаратөбе ауылдық округіне қарасты Үшағаш, Соналы ауылдарында болды.
Аудан басшысы Қадыржан Орынбасарұлы Соналы ауылындағы орта мектептің 3-сынып оқушысы, көпбалалы отбасында тәрбиеленген оқу екпіндісі Айша Орынғалиға Қазақстан Республикасы Призиденті Қасым-Жомарт Тоқаевтың атынан, тағы да екі бірдей оқушы Үшағаш ауылындағы мектептің 6-сынып оқушысы, бірнеше байқаулардың жеңімпазы, көпбалалы отбасында тәрбиеленген үздік оқушы Қаныбек Ғалымжан мен Соналы орта мектебінің 4-сынып оқушысы, мектеп белсендісі Асылзат Болатқалиеваға өзі атынан бағалы сыйлықтар табыс етіп, Жаңа жыл мерекесімен құттықтады.
Мектептердің оқушыларына сыйлықтар табыстау шарасына қатысқан аудандық білім беру бөлімінің басшысы Берікжан Ғарапшиевтің айтуына қарағандаҚаратөбе ауданы мектептері бойынша Президент сыйлығын 9 бала, аудан әкімінің сыйлығын 19 бала қабылдапты.
Аталмыш мерекелік шараға Қаратөбе ауылдық округінің әкімі, мектеп директорлары қатысып, сыйлыққа ие болған оқушыларды Жаңа жыл мерекесімен құттықтады.
Ел ағаларының сыйлығына риза болып, қуанышқа бөленген балалардың ата-аналары Мемлекет басшысына, аудан әкіміне алғыстарын айтты.
Ерболат Райсов,
Қаратөбе ауданы
zhaikpress.kz
