Ата-аналар белгілі бір аттракционға билеттерді сатып алмас бұрын, ол сіздің балаңызға сәйкес келетіндігін анықтаңыз. Ол үшін аттракцион аумағына кірер алдында арнайы тақтайшаларға ілінген аттракционды пайдалану ережелерімен танысу жеткілікті. Ережеде келушілердің жасы, бойы, салмағы, денсаулық жағдайы бойынша ықтимал шектеулер жазылады, сондай-ақ аттракционда сырғанау кезіндегі олардың мінез-құлқына қатысты талаптар көрсетіледі.
Балалар аттракционда қауіпсіздік ережелерінің талаптарын білуі және сақтауы керек. Ата-аналарға баламен саябаққа барар алдында алдын ала тиісті нұсқаулық өткізгені дұрыс, ал аттракционға отырар алдында қауіпсіздік ережелерін тағы бір рет еске түсірген жөн. Балаларға аттракционның қозғалысы кезінде, оның толық тоқтауына дейін, қауіпсіздік белдіктерін шешуге, орнынан тұруға, бұрылуға, еңкеюге рұқсат етілмейтінін түсіндіріңіз. Қолыңызды сермеу, көтеру, аттракционның қозғалмалы бөліктерін ұстап алу өте қауіпті. Қасыңда отырған балаларды итеруге және кедергі жасауға тыйым салынады.
Балаларыңызға қамқорлық жасаңыз!
Теректі ауданының ТЖБ
