Жуырда Бәйтерек ауданында «Жеңіс» кинотеатры мен аудандық мәдени-демалыс орталығының ұйымдастыруымен ауыл бүлдіршіндеріне арналған «МультШоу» викторинасы оздырылды.
Қызықты шара аясында балаларға тегін мультфильм көрсетіліп, шығармашылық сайыстар ұйымдастырылды. Үздік өнер көрсетіп, өзінің біліктілігін танытқан бүлдіршіндер сыйлықтарға ие болды.
- Шарамызды ауыл балаларының есінен кетпестей етіп, көңілді өткізуге бар күшімізді салдық. Ондағы мақсатымыз ауыл бүлдіршіндерінің жазғы демалысын тиімді өткізіп, тынығуына септігімізді тигізу. Сондай-ақ демалыс маусымында көңіл көтеріп, жаңа достар табуға мүмкіндік сыйлауды да жөн көрдік. Алдағы уақытта басқа форматтағы түрлі көңіл көтеретін фестивальдар өткізу жоспарлануда, - дейді мәдени шараны ұйымдастырушы Анна Гумарова.
Бұдан бөлек бүлдіршіндерге арналған сергіту "Мой любимый мультгерой" атты сурет байқауы да өтті. Оның жеңімпаздарына да сыйлықтар табыс етілді.
Аружан Аманжол,
Бәйтерек ауданы
