Бөкей ордасы ардагерлері қоғамдық бірлестігінің ұйымдастыруымен Ұлы Жеңістің 80 жылдығына орай аудан орталығында «Ерлік - елге мұра, ұрпаққа ұран» атауымен жалпыкөпшілік велошеру өтті.
Шараға ардагерлер, денсаулық сақтау мәдениет пен білім саласы қызметкерлері, спортшылар мен мектеп жасындағы балалар жалпы ауыл тұрғындарынан үлкенді-кішілі 60 жуық тұрғын қатысты.
Қатысушылар алдымен Кеңес Одағының батыры Мәншүк Мәметованың ескерткішіне гүл шоқтарын қойып, қаһарман қыздың рухына тағзым етіп, бір леппен Қазақстан, Ә.Жангелдин, Т.Масин, Р.Егізбаев, С.Сейфуллин, Т.Жароков көшелерін кесіп өтті. Мәре соңында ең жас және ең ардагер спортшыларға ұйымдастырушылар тарапынан шағын сый-сияпат ұсынылды.
Анар Артықбай,
Бөкей орда ауданы
