Былтырғы жылдың қыркүйегінен бері бос тұрған Бөкей ордасы аудандық білім беру бөліміне басшы тағайындалды. Батыс Қазақстан облысы білім басқармасының конкурстық комиссиясының 2024 жылғы 6 ақпандағы №5 хаттамасы және білім басқармасы басшысының міндетін атқарушы Б.Насимуллиннің 2024 жылғы 12 ақпандағы №31 бұйрығы бойынша Нұргүл Омарова аудандық білім беру бөлімінің жаңа басшысы боп тағайындалды.
Аудан әкімдігінде өткен актив жиынында аудан әкімі Нұрлыбек Даумов жаңа басшыны таныстырып, Жігерқызының жаңа жұмысына жетістік тіледі.
Нұргүл Омарова осы өңірдің тумасы.
1981 жылы Сайқын ауылында дүниеге келген. 2004 жылы А.Пушкин атындағы Батыс Қазақстан мемлекеттік университетін тарих пәні бойынша бітірген. Еңбек жолын Т.Масин атындағы мектепте тәрбиешіліктен бастап әр жылдары, осы мектепте мұғалім, аудандық білім беру бөлімінің бас маманы, Бөкей ордасы колледжі директорының тәрбие ісі жөніндегі орынбасары, Орал қаласындағы №16 мектеп директорының тәрбие ісі жөніндегі орынбасары, Сайқын ауылдық округінің әкімі, «AMANAT» партиясы аудандық филиалының төрағасы қызметтерін атқарды.
Анар Артықбай,
Бөкей ордасы ауданы
zhaikpress.kz
