Бөкей ордасы аудандық білім беру бөлімінің жылдық жоспарына сай «Жас ұстаз – 2024» байқауы өтті. Педагог мамандығының мәртебесін арттыру, кәсіптік шеберлігін ынталандыру, тұлғалық әлеуетін көтеруді мақсат еткен байқау «Педагогтің визиттік карточкасы», «Білім берудегі трендтер», «Қысқа мерзімді жоспар құру», «Блиц турнир» сияқты бөлімдерден тұрды.
М-С.Бабажанов атындағы мектебінің мұғалімі Нұржамал Орынбаева байқау жеңімпазы атанды.
Қ.Сағырбаев атындағы мектеп мұғалімі Айгерім Адайбекова ІІ орын, А.Құсайынов атындағы мектеп мұғалімі Әйгерім Иматова мен М.Мәметова атындағы мектеп мұғалімі Айнұр Мырзағалиева ІІІ орын иеленді.
Сондай-ақ, қатысушыларға түрлі номинациялар да берілді. Б.Жәнекешев атындағы мектебінің мұғалімі Сәулет Бақтығалиева «Ең үздік сабақ жоспары» номинациясына, М.Бегалиева атындағы мектептің мұғалімі Назерке Болатова «Ең үздік білім берудегі тренд» номинациясына, балалар музыка мектебінің қобыз сыныбының оқытушысы Әсем Таубаева «Ең үздік визиттік карточка» номинациясына, Жәңгір хан атындағы мкктептің мұғалімі Әлем Есмұхан «Ең үздік эрудит» номинациясына лайық танылды.
Өте қызықты әрі тартысты өткен сайысқа жас ұстаздардың қай-қайсысы да тыңғылықты дайындықпен келген. «Жас ұстаз – 2024» байқауының жүлдегерлеріне бағалы сыйлықтар табысталды.
Анар Артықбай
Бөкей ордасы ауданы
