Бөрлі ауданынан қарасты Ақбұлақ ауылдық округіндегі №102 сайлау учаскесінде дауыс беру қарқынды жалғасуда.
Аталған учаскеде 462 тұрғын тіркелген. Тұрғындар отбасыларымен және ұжым болып келіп, өз таңдауларын жасауда. Бұл учаскеде Нариман Ескендір алғаш рет дауыс берді. Оған комиссия төрағасы арнайы сыйлық табыстады.
Сондай-ақ мектеп ұжымы қазақы нақышта киініп келіп, учаскеге сән келтірді.
Учаскеде «Әділет», «Қазақстан халық партиясы», «Дауыс» және «Ақсай-Қамқор» қоғамдық бірлестіктерінен байқаушылар жұмыс істеуде.
Қазіргі уақытта 200-ден астам тұрғын таңдау жасап үлгерді.
Ал Бумакөл ауылдық округінде орналасқан №110 сайлау учаскесінде дауыс беру белсенді әрі қалыпты жағдайда өтіп жатыр. Атап айтқанда, Мектеп көшесінің тұрғындары ұйымдасқан түрде келіп, таңдау жасауда. Тұрғындар дауыс беруге отбасыларымен бірге келіп, ұлттық нақыштағы киім үлгілерін киіп, сайлау науқанына ерекше көңіл-күймен қатысып жатыр.
Сонымен қатар ауылдағы барлық мекеменің қызметкерлері дауыс беріп, азаматтық белсенділік көрсетуде. Учаскеде қоғамдық тәртіп пен қауіпсіздік толық қамтамасыз етілген. Дауыс беру процесі белгіленген тәртіпке сәйкес, еш кедергісіз жалғасуда.
Айдана Абдрахманова,
Бөрлі ауданы
