Апта басы бөрліліктер үшін жағымды жаңалықпен басталды.
Қауіпті індетпен күресуде алдыңғы шепте жүрген медицина қызметкерлерін барынша қолдау мақсатында бүгін «Казбургаз» АҚ, нақтырақ айтсақ «Казбургаз» АҚ вице-президенті Бауыржан Дүйсенов Бөрлі аудандық ауруханасына жаңа жедел жәрдем көлігінің кілтін табыстады.
Бауыржан Бекбергенұлы аудандық емхана басшысы Шыңғыс Сәрсенғалиевке көлік кілтін табыстай тұрып, «Қауіпті кеселмен күрес жолында медицина қызметкерлерінің еңбектері орасан зор. Ел игілігі жолындағы жұмыстарынызға табыс тілеймін», - деп өз лебізін білдірді.
Сәнім Меңдібай
Бөрлі ауданы
zhaikpress.kz
